របៀបដំឡើង Ubuntu 12.10 ជាមួយ Windows 8 យ៉ាងងាយស្រួល ដោយប្រើ Wubi
Wubi គឺជាកម្មវិធីសម្រាប់ដំឡើងអ៊ូប៊ុនទូ (Ubuntu) ដែលអនុញ្ញាតឲ្យអ្នកដំឡើង អ៊ូប៊ុនទូ ជាមួយនឹងប្រព័ន្ធប្រតិបត្តិការណ៍ Windows របស់លោកអ្នក ដោយមិនធ្វើឲ្យប៉ះពាល់ដល់ Windows ឡើយ។ វាប្រៀបដូចជាការដំឡើងកម្មវិធីធម្មតាៗក្នុង Windows ដែរ។ ពេលដែលលោកអ្នកដំឡើង Wubi លោកអ្នកនឹងបើកកុំព្យូទ័រមក ដោយមានការជ្រើសរើស តើយើងត្រូវចូលទៅដំណើរ OS មួយណា? វាត្រូវដំឡើងនៅលើឯកសារ ដាច់ដោយឡែកមួយ ដោយលោកអ្នកអាចចែក Drive បន្ថែមមួយសម្រាប់ដាក់វា។ វាពិតជាពិសេសអស្ចារ្យណាស់ សម្រាប់យើងដែលចង់ប្រើ ប្រព័ន្ធប្រតិបត្តិការណ៍ Linux តែមិនអាចមានលទ្ធភាពទិញម៉ាស៊ីនកុំព្យូទ័រមួយទៀតសម្រាប់តេស្ត។
បន្តមកទៀតនេះ ខ្ញុំនឹងបង្ហាញលោកអ្នកតាមដំណាក់កាលដូចខាងក្រោមក្នុងការប្រើប្រាស់ Wubi ដើម្បី ដំឡើងអ៊ូប៊ុនទូ ជាមួយ Windows 8 (ខ្ញុំតេស្ដលើ Windows 8) :
1/- ដំបូងបង្អស់ លោកអ្នកត្រូវចែក Drive ចេញថែម១ ទៀត ដោយប្រើ Space 20GB ឡើងទៅ (អាចតិចជាងនេះ តែខ្ញុំសូមណែនាំឲ្យប្រើ 20GB ឡើងទៅ)។
2/- បន្ទាប់មកទៀត សូមទាញយក Wubi ដោយចុចទីនេះ។
3/- ពេលនោះសូមបើវាឡើង ហើយធ្វើការកំណត់ដូចខាងក្រោម ៖
- Installation drive: Drive សម្រាប់ផ្ទុក (សូមជ្រើសរើសយក Drive ថ្មីដែលអ្នកទើបនឹងចែក)។
- Installation size: ទំហំផ្ទុក (អាចជ្រើសយក 20GB)
- Desktop environment: ប្រភេទ Desktop របស់អ៊ូប៊ុនទូ (តាមដែលអ្នកចូលចិត្ត)។
- Language: ភាសានៅក្នុងអ៊ូប៊ុនទូ របស់អ្នក (លោកអ្នកអាចជ្រើសយកភាសា Khmer ក៏បាន)។
- Username: ឈ្មោះ។
- Password: ពាក្យសម្ងាត់ (ត្រូវតែដាក់)។
+ ពេលកំណត់ដូចខាងលើរួចហើយ សូមចុចលើប៊ូតុង Install ដើម្បីដំឡើងវា។
*** ត្រូវច្បាស់ថា កុំព្យូទ័ររបស់លោកអ្នក មានភ្ជាប់ Internet។ :D
+++ ពេលនោះ វានឹងដំណើរការ។ សូមរងចាំវាដល់ដំណើរការចប់ (មិនត្រូវឲ្យដាច់ Internet ទេ បើដាច់ លោកអ្នកនឹងត្រូវដំឡើងវាជាថ្មីម្ដងទៀត)។
4/- ពេលដំណើរការចប់ហើយ សូម Select យក "Reboot Now" និង Finish ដើម្បីឲ្យកុំព្យូទ័រ Restart...
5/- ពេលវាបើកឡើង នឹងចេញឲ្យយើងជ្រើសរើសថា តើយើងចង់ចូលទៅដំណើរការ OS ណា?
*** បើលោកអ្នកនឿយណាយជាមួយនឹងអ៊ូប៊ុនទូ ហើយលោកអ្នកគ្រាន់តែ Uninstall Wubi ចោលចាការស្រេច។ ចង់បាន គន្លិះពីhack ចុចទីនេះ
No comments:
Post a Comment